Вусік узначаліў рэйтынг найлепшых баксёраў свету паводле версіі ESPN

• 22.05.2024, 19:02

Украінец 18 траўня стаў абсалютным чэмпіёнам свету ў суперцяжкай вазе.

Украінец Аляксандр Вусік падняўся на першае месца ў рэйтынгу найлепшых баксёраў свету па-за залежнасцю ад вагавой катэгорыі паводле версіі часопіса ESPN.

Украінец 18 траўня перамог у Эр-Рыядзе брытанца Тайсана Ф'юры паасобнай пастановай суддзяў і стаў абсалютным чэмпіёнам свету ў суперцяжкай вазе.

Вусік раней займаў у рэйтынгу ESPN трэцяе месца. З першага радка ён зрушыў абсалютнага чэмпіёна свету ў паўсярэдняй вазе амерыканца Тэрэнса Кроўфарда.

На трэцім месцы ў рэйтынгу японец Наоя Іноўэ, абсалютны чэмпіён у другой найлягчэйшай вазе.

37-гадовы Вусік, алімпійскі чэмпіён Лондана, перамог ва ўсіх 22 паядынках на прафесійным рынгу.