У аэрапорце Санкт-Пецярбурга абвешчаны план «Кавёр» праз напад дрона

• 2.03.2024, 20:50

Самалёты кружаць побач з горадам.

У аэрапорце расейскага Санкт-Пецярбурга ўведзены план «Кавёр» праз пагрозу нападу беспілотніка. Самалёты кружаць побач з горадам, паведаміў пракрамлёўскі Telegram-канал BAZA.

Сёння раніцай у горадзе БПЛА ўпаў на жылы дом на Піскароўскім праспекце – ніхто не пацярпеў, было пашкоджана некалькі кватэр.

У далейшым кіраўнік Ленінградскай вобласці паведаміў, што ў Ламаносаўскім раёне вобласці спрацавалі сродкі СПА – паветраныя цэлі пашкоджаныя над акваторыяй і ўзбярэжжам Фінскага заліва.