Пазыкі беларусаў за крэдыты выраслі амаль на чвэрць

• 2.03.2024, 11:33

Шматмільярдная лічба ўражвае.

Запазычанасць беларусаў за крэдыты банкам на 1 лютага склала 20,7 мільярда рублёў. Пра гэта сведчыць статыстыка Нацыянальнага банка Беларусі.

За год завінавачанасць насельніцтва за крэдыты вырасла на 3,7 мільярда рублёў, ці на 21,6%. За месяц гэты паказчык павялічыўся на 195,1 мільёна рублёў.

Запазычанасць за спажывецкія крэдыты перавысіла 7 мільярдаў рублёў, павялічыўшыся за год на 2 мільярды рублёў, ці больш за на 40%.

Пазыкі за крэдыты на нерухомасць выраслі за год амаль на 1,7 мільярда рублёў - да 13,6 мільярда.

Дзяржаўны "Беларусбанк" заклікае беларусаў скарыстацца яго спажывецкім крэдытам пад 4% гадавых, які аформіць можна толькі ў яго.

Стаўка за гэты крэдыт вельмі нізкая – ніжэйшая за афіцыйную інфляцыю. Праўда, выбар тавараў, якія можна набыць з дапамогай гэтага крэдыту, істотна абмежаваны - выдаткаваць грошы можна толькі "на родныя тавары", як і называецца прапанова.