Супербоўл стаў самай папулярнай трансляцыяй з часоў высадкі на Месяц

• 13.02.2024, 20:17

Сярэдняя аўдыторыя склала 123,4 млн гледачоў.

Супербоўл 2024 года, фінальны матч Нацыянальнай футбольнай лігі (NFL, амерыканскі футбол), стаў самай праглядальнай падзеяй у гісторыі амерыканскай тэлевізіі з часоў высадкі «Апалона-11» на Месяц. Пра гэта паведамляе Forbes.

Матч, у якім «Канзас-Сіці Чыфс» перамог «Сан-Францыска Форці Найнерс» з лікам 25:22, адбыўся 11 лютага ў Парадайсе (штат Невада).

Сярэдняя аўдыторыя матчу на CBS, Paramount+ і Nickelodeon склала 123,4 млн гледачоў. Леташні Супербоўл паглядзелі 115,1 млн чалавек.

У гісторыі амерыканскай тэлевізіі толькі высадка «Апалона-11» на Месяц у 1969 годзе сабрала больш гледачоў – больш за 150 млн.

Пры гэтым сам холдынг Paramount Press Express назваў Супербоўл 2024 самай прагляданай тэлеперадачай у гісторыі амерыканскай тэлевізіі.

У перапынку Супербоўла выступіў васьміразовы ўладальнік прэміі Grammy Ашэр (Usher), для якога гэта ўжо другое з'яўленне на фінале NFL – у 2011 годзе ён браў удзел у шоу Black Eyed Peas.