Відэафакт: Украінскі спецназ уварваўся з тылу на пазіцыі расейцаў

• 8.12.2024, 12:40

Акупантаў удалося заспець знянацку.

Сілы спецаперацый Украіны (ССА) уварваліся з тылу на пазіцыі РФ на фронце. Акупантаў удалося заспець знянацку.

Пра гэта паведамляюць Сілы спецыяльных аперацый Украіны (ССА).

«На днях аператары 3-га палка ССА зачысцілі варожыя пазіцыі, замацаваліся і завялі туды дружалюбнае падраздзяленне Сіл бяспекі і абароны Украіны», – гаворыцца ў паведамленні.

Паводле звестак вайскоўцаў, бой завязаўся, калі тактычная група ўварвалася на пазіцыі ворага.

«Аператары ССА знішчылі трох расейскіх вайскоўцаў, і яшчэ аднаго прымусілі здацца ў палон. Падчас спецыяльных дзеянняў, вораг спрабаваў з дронаў скідаць гранаты, аднак воіны ССА са стралковай зброі збілі чатыры расейскія дроны Mavic», - дадалі ў ССА.

Пасля паспяхова выкананага задання група адышла з адным параненым.