Сірыйскія паўстанцы знеслі статую бацькі Асада пад Дамаскам

• 7.12.2024, 22:20

Відэафакт.

Сірыйскія паўстанцы знеслі статую нябожчыка бацькі кіраўніка Сірыі Башара аль-Асада. Гэта адбылося пасля таго, як сілы рэжыму адступілі з раёна на поўдзень ад сталіцы Дамаска, паведамляе CNN.

На відэа, якое распаўсюджваецца па сетцы відаць, як натоўп паўстанцаў паваліў каласальную скульптуру бацькі прэзідэнта Сірыі ў паўднёвым горадзе Джарамана.

Між іншым, на кадрах можна заўважыць, як пратэстант залез на вялізны фасад, на якім намаляваны твар былога прэзідэнта Хафеза аль-Асада, а дзясяткі мужчын скандавалі і пляскалі ў ладкі. Іншыя апантана білі малатком па частках статуі.

Заўважым, што за апошнія дні паўстанцкія групоўкі падышлі бліжэй да стратэгічнай сталіцы. Гэта стала найбольш дзёрзкім выклікам аўтакратыі рэжыму за амаль дзесяцігоддзе.