Украінскія марскія дроны нанеслі ўдары па цэлях РФ у Крыме
- 7.12.2024, 10:11
ВМС Украіны паказалі відэа.
Марскія дроны ўдарылі па цэлях расейцаў у Крыме. Былі знішчаныя сістэмы назірання на захопленых газавых платформах на ўзбярэжжы.
Пра гэта паведамляе Charter97.org са спасылкай на Facebook камандзіра ВМС Украіны, віцэ-адмірала Аляксея Неіжпапы.
«Марскія беспілотнікі падраздзялення ВМС нанеслі дакладныя ўдары па расейскіх цэлях», – расказаў ён.
Паводле звестак ВМС Украіны, знішчаныя сістэмы назірання ворага, размешчаныя на захопленых газавых платформах ля ўзбярэжжа акупаванага Крыма.
«Паляванне на ворага ў Чорным моры прадаўжаецца. Акупанты не застануцца на нашай тэрыторыі – дастанем іх усюды», – адзначыў Неіжпапа.