«Радыё Свабода» ўзяло інтэрв'ю ў частага госця праграм Салаўёва

• 5.12.2024, 23:49

Амерыканскі «эксперт» заклікаў зняць санкцыі з рэжыму Лукашэнкі.

«Радыё Свабода» запісала інтэрв'ю з амерыканскім палітолагам з Інстытута адказнага дзяржаўнага кіравання Куінсі Маркам Эпіскапасам. Ён заклікаў зняць санкцыі з рэжыму Лукашэнкі і «адмовіцца ад змены рэжыму ў Беларусі».

Лідар грамадзянскай кампаніі «Еўрапейская Беларусь» Андрэй Саннікаў распавёў, кім насамрэч з'яўляецца Марк Эпіскапас.

«Асцярожна, агентура! Радыё «Свабода» выклала інтэрв'ю з амерыканскім «экспертам» з інстытута Квінсі Маркам Эпіскапасам пад гучным загалоўкам «ЗША павінны адмовіцца ад змены рэжыму ў Беларусі».

Эпіскапас вядомы сваімі пракрамлёўскімі, антыўкраінскімі поглядамі.

Часты госць праграм ашалелага Салаўёва, ён працуе на пуцінскі парадак дня. Яго ахвотна цытуюць пуцінскія медыі.

Увогуле, як кажа злосны Бабчанка, «да ступені змешвання», - піша апазіцыйны палітык у «Фэйсбуку».