Паліцыя Паўднёвай Карэі пачала расследаванне супраць прэзідэнта краіны

• 5.12.2024, 12:37

Яго абвінавачваюць у дзяржаўнай здрадзе.

Паліцыя Паўднёвай Карэі пачала расследаванне супраць прэзідэнта Юн Сок Еля. Яго абвінавачваюць у дзяржаўнай здрадзе пасля абвяшчэння вайсковага становішча ў краіне.

Пра гэта паведамляе Yonhap.

Расследаванне супраць прэзідэнта было адкрытае пасля атрымання двух зваротаў:

ад апазіцыйнай партыі «Аднаўленне Карэі»;

ад групы з 59 актывістаў.

«У скаргах абвінавачваецца не толькі Юн, але і былы міністр абароны Кім Ён Хен, начальнік штаба войска генерал Пак Ан Су і міністр унутраных спраў Лі Сан Мін у дзяржаўнай здрадзе і іншых звязаных абвінавачваннях за іх ролю ў абвяшчэнні і наступным скасаванні ваеннага становішча ў аўторак», - піша выданне.

Палітычны крызіс у Паўднёвай Карэі

3 снежня Юн Сок Ель зрабіў нечаканую заяву аб увядзенні ў Паўднёвай Карэі ваеннага становішча. Паводле ягоных слоў, прычынай такога кроку стала дзейнасць апазіцыйных сіл, якія ён ахарактарызаваў як "антыдзяржаўныя" і абвінаваціў у спробах спаралізаваць працу дзяржаўнага апарату.

Адпаведная пастанова выклікала масавыя пратэсты і сутыкненні з праваахоўнымі органамі і вайскоўцамі каля будынка парламента.

На працягу некалькіх гадзін парламент Паўднёвай Карэі прыняў рэзалюцыю, якая заклікае неадкладна спыніць дзеянне ваеннага становішча. Пасля гэтага такую ж пастанову падтрымаў урад краіны.

Увечары таго ж дня Юн Сок Ель абвясціў аб скасаванні рэжыму ваеннага становішча, які дзейнічаў больш за шэсць гадзін.