Пуцін і Лукашэнка правядуць сустрэчу ў Менску

• 5.12.2024, 11:33

Кіраўнік Крамля ляціць у Беларусь.

Лукашэнка і Пуцін правядуць «асобную сустрэчу» ў Менску, куды расейскі лідар прыбудзе для ўдзелу ў пасяджэнні «вышэйшага дзяржсавета» так званай саюзнай дзяржавы 6 снежня, піша прэс-служба Крамля.

Дыктатары разгледзяць «ход саюзнага будаўніцтва і перспектывы далейшага інтэграцыйнага ўзаемадзеяння».

«Плануецца прыняць шэраг канкрэтных пастаноў у пытаннях фармавання аб'яднанага рынку электрычнай энэргіі, супрацьдзеяння незаконнаму імпарту тавараў, увядзення адзіных правілаў у абароне правоў спажыўцоў і камфортных тарыфаў на паслугі сувязі. Асаблівая ўвага будзе нададзеная пытанням умацавання агульнай абароннай прасторы Расеі і Беларусі», - удакладнілі ў прэс-службе Пуціна.