Кадыраў прызнаў атаку на полк спецыяльнага прызначэння ў Грозным

• 4.12.2024, 21:38

Кіраўнік Чачні заявіў пра параненых.

Кіраўнік Чачні Рамзан Кадыраў прызнаў атаку на полк спецназу, які ахоўвае яго. Яна адбылася 4 снежня.

Пра гэта паведамляе Telegram-канал ASTRA.

Кадыраў заявіў, што беспілотнік атакаваў цэнтр Грознага і зачапіў дах будынка палка паліцыі спецпрызначэння імя Ахмата Кадырава. Паводле ягоных словаў, у нападзе пацярпелі людзі, але не называе іх колькасць.

Кіраўнік Чачні абвінаваціў у нападзе Украіну.

Нагадаем, сёння раніцай паведамлялася, што ў Грозным прагрымеў выбух. Тады ж у мясцовым аэрапорце быў уведзены план «Дыван», у выніку чаго быў затрыманы адзін рэйс на Маскву.