Сёння ноччу ў Беларусі было да мінус 12

Прычым на поўдні краіны.

Найбольш моцныя маразы былі на поўдні Беларусі. На метэастанцыі «Палеская» тэмпература апускалася да -12,3°С, паведамляе тэлеграм-канал nadvorie.

Гэта была пакуль самая нізкая тэмпература ў сезоне 2024/25.

На захадзе Гомельскай вобласці было -10°С. У Менску – 5,5°С, у Вілейцы – -7,7°С. У Шклове – -8°С.

На поўначы краіны цяплей, бо ён быў прыкрыты аблокамі цёплага фронту, а на поўначы Віцебскай вобласці ідзе нават невялікі снег.

У ноч на нядзелю чакаецца -1…-7°С, максімальна ўдзень -2…+3°С. На дарогах галалёдзіца.

Апошнія навіны