Расейскія добраахвотнікі правялі засаду на транспарт мінабароны РФ у Бранскай вобласці

• 20.01.2024, 16:10

Сталі вядомыя падрабязнасці новай дзёрзкай аперацыі.

«Рускі добраахвотніцкі корпус» ажыццявіў новы рэйд на тэрыторыю краіны-агрэсара РФ. Пра гэта РДК паведаміў у Telegram.

«18 студзеня разведгрупа РДК правяла засаду на транспарт ворага ў Суземскім раёне Бранскай вобласці», – гаворыцца ў паведамленні.

Пазней у РДК удакладнілі, што падчас рэйду былі ліквідаваныя расейскія памежнікі.

«18 студзеня нашыя разведчыкі правялі дзёрзкую аперацыю, падчас якой знішчылі «Урал-4320» МА РФ і асабовы склад памежных войскаў. Для некаторых удзельнікаў гэтая аперацыя стала першай, і зараз яны маюць паўнапраўны статус байцоў у шэрагах РДК», – сцвярджаюць у добраахвотніцкім корпусе.