Вядомы беларускі трэнер узначаліў польскі «Заглембе»

• 16.01.2024, 14:58

Кантракт падпісаны да 30 чэрвеня 2024 года.

Былы галоўны трэнер каманды Беларусі і кіеўскага "Дынама" Аляксандр Хацкевіч узначаліў польскі "Заглембе" з горада Сасновец, паведамляе афіцыйны сайт клуба.

Кантракт падпісаны да 30 чэрвеня 2024 года. Апошнім месцам працы 50-гадовага Хацкевіча была кіпрская “Карміёціса”. Раней трэнер узначальваў нацыянальную каманду Беларусі, а таксама кіраваў кіеўскім "Дынама".

"Заглембе" займае апошняе месца ў другім дывізіёне чэмпіянату Польшчы. Пасля 19 матчаў у каманды ўсяго 11 балаў.

Адзначым, што пасля пачатку вайны, якую Хацкевіч застаў у Кіеве, ён неаднаразова выказваўся ў падтрымку Украіны і асуджаў маўчанне вядомых беларускіх спартоўцаў.