Пад Мінскам затрымалі вялікую групу мігрантаў

• 10.01.2024, 10:07

Нелегалы без беларускіх віз прыбылі з Расеі.

У Калодзішчах пад Менскам затрымана група мігрантаў. Аб гэтым карэспандэнту БЕЛТА паведамілі ў прэс-службе МУС Беларусі.

Міліцыя атрымала аператыўную інфармацыю аб тым, што ў адным з дамоў могуць знаходзіцца замежныя грамадзяне.

«На месцы выяўлена, што ў жыллі знаходзяцца 14 замежнікаў: восем грамадзян Рэспублікі Пакістан, тры грамадзяніны Афганістана, два - Непала і адзін - Індыі», - гаворыцца ў паведамленні МУС.

Адзначаецца, што ўсе замежнікі прыбылі з Расеі, не маючы беларускіх віз. Парушальнікаў даставілі ў аддзяленне міліцыі. Пачаты адміністрацыйны працэс, разглядаецца пытанне аб дэпартацыі.

У паведамленні МУС зазначаецца, што ў 2023 годзе ў краіне былі выяўлены 596 груп мігрантаў, усяго блізу 4000 чалавек. Сярод іх пераважалі грамадзяне Афганістана, Сірыі, Ірана, Індыі.

У верасні МУС ужо давала справаздачу аб тым, што ў Калодзішчах была выяўлена група з 40 замежнікаў, якія прыехалі з Расеі без беларускіх віз і збіраліся накіравацца ў Латвію. Тады паведамлялася, што для высвятлення асобы затрыманы 14 чалавек, у якіх не было дакументаў.