СМІ: Гонка на лафетах у Беларусі стартавала
- 10.01.2024, 15:43
Гісторыя хваробы Лукашэнкі ў святле новага трэмару галавы на публічным мерапрыемстве.
Афіцыйныя СМІ практычна не паказвалі Аляксандра Лукашэнку буйным планам падчас ягонага выступу на цырымоніі ўручэння прэміі «За духоўнае адраджэнне», піша udf.
Але ў адным з эпізодаў старанна адрэдагаванага рэпартажу галава дыктатара нечакана патрапіла ў кадр. І сталі прыкметныя прыкметы нездароўя, якія раней выявіліся падчас саміту АДКБ у Менску, калі ў Лукашэнка нервова трэслася галава у чаканні прэзідэнта Расеі Уладзіміра Пуціна.
Камера постоянно показывала лица присутствующих в зале, но в одном из эпизодов камера на три секунды все же «поймала» диктатора крупным планом. На видео видно, что у Лукашенко повторился тремор головы.
Камера стала паказвала твары прысутных у зале, але ў адным з эпізодаў камера на тры секунды ўсё ж "злавіла" дыктатара буйным планам. На відэа бачна, што ў Лукашэнкі паўтарыўся трэмар галавы.
З гісторыі хваробы Лукашэнкі
Размовы пра сур'ёзнае захворванне ў Лукашэнкі з'явіліся вясной 2023 года, калі на шэрагу нарад у яго на руцэ быў заўважаны катэтар, а сам дыктатар цяжка дыхаў і сіпеў.
У канцы траўня Валеры Цапкала заявіў, што Лукашэнка пасля сустрэчы з Пуціным 25 траўня быў дастаўлены ў Цэнтральную клінічную лякарню Масквы ў крытычным стане.
Ён нават назваў дыягназ, які маскоўскія лекары паставілі Лукашэнку - сіндром дысемінаванага ўнутрысасудзістага згортвання (ДУС-сіндром).
Гэта захворванне, якое характарызуецца парушэннямі ў сістэме згортвання крыві пры якім адбываецца ўтварэнне множных тромбаў (крывяных згусткаў). Так як фактары, якія спрыяюць згусальнасці крыві ідуць на ўтварэнне тромбаў, ДУС пераходзіць у стадыю зніжэння згусальнасці крыві, што выклікае крывацёк у розныя органы.
Праяўленне крывацёку можа вагацца ад невялікіх кровазліццяў на скуры, да ўзнікнення масіўных крывацёкаў са страўнікава-кішачнага тракту, кровазліццяў у галаўны мозг, лёгкія і іншыя органы. Апроч вышэйпаказаных праяў ДУС сіндрому вылучаюць таксама наступныя: азызласць, боль у нагах і грудзі, дыхавіца, халодны пот.
У кастрычніку Лукашэнка наведаў саміт СНД у Бішкеку, дзе раптам страціў раўнавагу і ледзь не ўпаў, паднімаючыся па прыступках. Таксама на апублікаваных кадрах з візіту ў Экватарыяльную Гвінею ў снежні было бачна, як Лукашэнка з вялікім намаганнем паўбокам спускаецца з трапу самалёта.
Падчас візіту ў Менск 23 лістапада Пуціна ў Лукашэнкі выразна дрыжала галава. Праўда, у самім гэтым сімптоме нічога небяспечнага для здароўя лекары не бачаць, бо ён можа быць выкліканы самымі рознымі прычынамі.
Напярэдадні Новага года інфармацыю аб здароўі Лукашэнкі сабралі "Белыя халаты". Напраўду, вядома няшмат. Напрыклад, паводле іх звестак, у яго знойдзенае атлусценне III ступені, цукровы дыябет з ампутацыяй пальца ступні ў сувязі з ускладненнямі.
"Дыету пацыент не выконвае, хоць алкаголь не ўжывае зусім", – кажуць лекары.
Таксама ў дыктатара мачакаменная хвароба. З-за гэтага яго ў 2018 годзе экстрана даставілі ў шпіталь уначы. Аперацыя прайшла з ускладненнямі.
Акрамя таго, вядома, што ў Лукашэнкі артроз левага каленнага сустава двойчы праводзілася аперацыя.
“Гэта вельмі стандартны набор паталогій для чалавека ва ўзросце 69 гадоў. Нагадваем, што сярэдняя працягласць жыцця мужчыны ў Рэспубліцы Беларусь - 69,2 гады, паводле звестак Белстата, якія апошні раз публікаваліся ў 2019 годзе”, - заявілі медыкі.