«У Інтэрнэце прачытаў»: кіраўнік Мінфіна РФ «прабіў дно» заявай аб інфляцыі

• 29.09.2023, 10:17

Расейцы раз’юшаныя.

Міністр фінансаў Расеі Антон Сілуанаў вызначыўся асабліва цынічнай заявай наконт інфляцыі, якая накрывае Расею.

Ён параіў грамадзянам сваёй краіны нічога не купляць, каб не хвалявацца праз рост коштаў.

Расейцы вельмі востра адрэагавалі на словы кіраўніка Мінфіна, піша dialog.ua.

Скандальную заяву Сілуанаў зрабіў на Маскоўскім фінансавым форуме, які адбыўся ў чацвер, 28 верасня.

Замест таго каб апраўдвацца за няздольнасць стрымаць інфляцыю, ён надумаў пасмяяцца над гаротным становішчам расейцаў.

«У Інтэрнэце прачытаў, мне падаецца, правільную думку пра інфляцыю. Там напісана было, што калі не купляць, то кошты нармальныя. І ўсё зразумела, праўда?» - заявіў расейскі міністр.

Расейцы ў сацсетках вельмі востра адрэагавалі на яго словы.

«А Вы сапраўды міністр фінансаў? У мяне ўжо заробку не стае нават на тое, каб забяспечыць сям'ю ежай і заплаціць за камуналку, а ён жартуе. Гэта ўжо нават не адарванасць ад рэальнасці, гэта здзек!!! А вось прэзідэнт Інтэрнэтаў не чытае, таму ў яго інфляцыі і няма. Схема наўпрост з 2004 годы: дрэнны Кабмін, добры цар… Калі няма дарогі, навошта вам аўто? Вышэйшыя кошты - больш жабракоў, і больш змушана пойдуць на забой «СВА». Такі вось хітры план. Калі не хадзіць у краму, нічога не купляць і слухаць справаздачы Пуціна, то ў прынцыпе, добра жывём… А надумаеш раптам тэрмінова купіць лядоўню, а высвятляецца амаль у 1,5 разы падаражэла за 4 месяцы», - пішуць у каментарах разгневаныя грамадзяне. РФ.

Адзначым, што, толькі паводле афіцыйных звестак Расстата, у жніўні 2023 года гадавая інфляцыя ў Расеі паскорылася да 5,15%.

Эканамісты разглядаюць гэтыя лічбы як моцна заніжаныя. У сувязі з уцёкамі капіталаў з Расеі і дэфіцытам бюджэту курс даляра ў краіне дасягнуў блізу 100 рублёў, што імгненна адбілася на коштах.