Украінскія зенітнікі ўсталявалі рэкорд у збітых дронах-камікадзэ

• 28.09.2023, 9:04

УСУ адбілі магутную атаку РФ у небе над Украінай.

Уночы 28 верасня Крэмль зноў атакаваў Украіну дронамі-камікадзэ.

Кіраўнік Мікалаеўскай АВА Віталь Кім упэўнены, што сёння ўкраінская СПА здалела ўсталяваць рэкорд.

Ягоныя словы ўскосна пацвердзіла вяшчальніца Сіл абароны Украіны "Поўдзень" Наталля Гумянюк.

У жывым эфіры нацыянальнага тэлемарафона яна заявіла аб знішчэнні звыш 30 дронаў.

Паветраная трывога была абвешчаная ў Адэскай вобласці 27 верасня а 23:50. Праз пэўны час стала вядома, што група дронаў рухаецца ў бок Адэсы, Коблева і Ачакава.

Яшчэ праз час пад ударамі дронаў маглі апынуцца жыхары Мікалаеўскай, Днепрапятроўскай, Кіраваградскай і Чаркаскай абласцей.

Пад 3:00 над Чаркашчынай пачала працаваць сістэма СПА. Яшчэ праз 30 хвілін паветраная трывога была скасаваная ва Украіне.

Тады ж Кім і паведаміў, што УСУ маглі пабіць рэкорд ў знішчаных дронах.

Агулам жа былі збітыя 34 дроны-камікадзэ з 44, выпушчаных Расеяй з тэрыторыі мыса Чаўда (Крым) і Прыморска-Ахтарска (РФ).

Таксама было знішчана 6 выведных дронаў тыпу "Залы", "Арлан" і "Суперкам".

Уночы 26 верасня УСУ збілі 26 дронаў-камікадзэ, якія збольшага атакавалі тэрыторыю Адэскай вобласці.