Падатковая штампуе беларускаму бізнэсу мільённыя даплаты

• 27.09.2023, 16:00

Пад такую раздачу можа патрапіць амаль кожная фірма.

Падатковая працягвае актыўнасць у пошуках кампаній, якія недаплачваюць падаткі і займаюцца «драбненнем бізнэсу». У некаторых выпадках выстаўляюць да даплаты вялізныя сумы, піша «Зеркало».

У Віцебскай вобласці за восем месяцаў падаткавікі выявілі 25 выпадкаў парушэння артыкула 33 Падатковага кодэкса, гэта значыць, незаконнага змяншэння падатковай базы. Кампаніі прымусілі даплаціць у бюджэт 25300 000 рублёў падаткаў - гэта значыць, прыблізна 1 млн рублёў з кампаніі. А таксама прадухілілі вяртанне з бюджэту падатку на дададзеную вартасць у суме 1,6 млн рублёў.

Значную суму давялося даплаціць у бюджэт прадпрымальніку з Бабруйска. Праверка паказала, што ІП скажаў звесткі аб падатках «праз стварэнне штучнай сітуацыі, што выявілася ў наўмысным падзеле бізнэсу паміж пяццю індывідуальнымі прадпрымальнікамі, якія ажыццяўлялі дзейнасць па здачы ў наём уласнай і арэндаванай нерухомай маёмасці». Гэтыя кампаніі, паводле МПЗ, карысталіся спрошчанай сістэмай падаткаабкладання без выплаты ПДВ. Прадпрымальніку выставілі рахунак да даплаты падаткаў на суму 2,3 млн рублёў.

Падобная гісторыя здарылася ў Гародні. ІП «у мэтах атрымання неабгрунтаваных пераваг у падаткаабкладанні атрыманы ад здачы ў арэнду маёмасці прыбытак размяркоўваўся паміж ім і 2 арганізацыямі, адзіным заснавальнікам якіх ён з'яўляўся». Гэта дазваляла ўжываць спрошчаную сістэму падаткаабкладання. Пасля праверкі ён даплаціў 1,5 млн рублёў падаткаў.

У Рэчыцкім раёне праверка мясцовай прыватнай кампаніі ў галіне лесанарыхтовак паказала, што яе дырэктар афармляў дакументы па рэалізацыі паліўнай драўніны пакупнікам як ІП, аформленае на яго імя. Насамрэч вытворчасцю і рэалізацыяй лесаматэрыялаў займалася прадпрыемства. Грошы за продаж драўніны здымаліся ў якасці даходу ІП ад прадпрымальніцкай дзейнасці і паступалі ва ўласнасць фізічнай асобы без выплаты падаходнага падатку. Падатковыя органы абавязалі кампанію даплаціць у бюджэт 162,1 тысячы рублёў падаткаў.

За такія парушэнні часта распачынаюць «крыміналку», а засцерагчыся ад такіх прэтэнзій складана.

Заявы аб драбленні бізнэсу ад кантралюючага органа сталі актыўна з'яўляцца ў 2021 годзе. А ў 2022-м колькасць звязаных з гэтым выяўленых злачынстваў, мяркуючы з паведамленнях МПЗ і Дзяржкантролю, вырасла. Як правіла, калі аб такім парушэнні паведамляе КДК, то ў такіх выпадках заводзяць крымінальную справу на ўладальнікаў кампаній (ці заўсёды іх змяшчаюць пад варту - невядома), налічваецца сума шкоды, прычыненай дзяржаве праз недаплачаныя падаткі і іншыя выплаты Часта гучыць устаноўлены факт парушэння артыкула 33 Падатковага кодэкса, у якім прапісаны парадак вызначэння і карэкціроўкі падатковай базы. Дарэчы, у прыведзеных вышэй гісторыях з Магілёва і Бабруйска размова ідзе акурат аб парушэнні артыкула 33 Падатковага кодэкса.

Бізнэсоўцы, якія сутыкаліся з павышанай увагай кантрольных органаў у сувязі з «драбненнем бізнэсу», раней расказвалі, што даведваліся раптоўна ад правяраючых, што нешта парушылі.

Адзін з юрыстаў раней выказваў меркаванне, што засцерагчы сябе ад патэнцыйных прэтэнзій з боку падатковых органаў або Камітэта дзяржкантролю беларускім кампаніям практычна немагчыма, у тым ліку ў пытанні патэнцыйнага драбнення бізнэсу.