Каманда Украіны знялася з ЧС у пляжным футболе праз удзел Беларусі

• 27.09.2023, 11:40

Чэмпіянат пройдзе ў ААЭ.

Каманда Украіны ў пляжным футболе не будзе ўдзельнічаць у чэмпіянаце свету ў ААЭ. Пастанова прынятая праз допуск Беларусі на спаборніцтва, паведамляе прэсавая служба Асацыяцыі пляжнага футбола Украіны.

У асацыяцыі пляжнага футбола Украіны нагадалі аб загадзе ўкраінскага Мінспорту ад 26 ліпеня 2023 года, які забараняе ўдзельнічаць у міжнародных спаборніцтвах, дзе таксама бяруць удзел спартоўцы/каманды, якія прадстаўляюць Расейскую Федэрацыю і Рэспубліку Беларусь.