Няўзораў: Расейскіх «міратворцаў» у Карабаху расстралялі для забавы
- 21.09.2023, 17:10
Каб ведалі сваё месца.
Вядомы публіцыст Аляксандр Няўзораў пракаментаваў апошнія падзеі ў Нагорным Карабаху:
— Як бы там ні было, але камандаванне расейскіх «міратворцаў» у Карабаху расстралялі, як курапатак. Прычым, зрабілі трупам намесніка камандуючага «міратворчым» кантынгентам без усялякай неабходнасці, проста для забавы. Як і афіцэраў, якія яго суправаджалі.
На той момант ужо было зразумела, што расейскія «міратворцы» ніякай «міратворчасцю» займацца нават не збіраюцца.
Расстрэл быў учынены выключна для таго, каб РМК «ведалі сваё месца і надалей».
«Двухдзённая вайна» стала выдатным урокам для ўсіх.
Напрыклад, стала зразумела, што ніякага «міру» РМК забяспечыць не ў стане.
І справа нават не ў тым, што ён падпарадкоўваецца не статутам ААН, а самаўпраўнасці Крамля.
Ён проста не здольны ні на што і з'яўляецца нямоглым нахлебнікам.