Беспілотнік падарваў расейскі танк з антыдронавым «мангалам»

• 21.09.2023, 12:27

Момант удару паказалі на відэа.

Аператар украінскага дрона патрапіў у расейскі танк і падпаліў яго.

Як паведамляе Цензор.НЕТ, відэазапіс паспяховай атакі ўкраінскага ваяра апублікаваны ў сацыяльных сетках. На запісе відаць, што варожы танк быў абсталяваны так званым антыдронавым «мангалам».

«Панцырная тэхніка акупантаў была знойдзеная падчас актыўнай работы на нашых пазіцыях. Для ліквідацыі парушальніка спакою нашых байцоў неадкладна вылецеў дрон-камікадзэ групы М2, які і паказаў захопнікам, хто гаспадар на ўкраінскай зямлі», — гаворыцца ў каментары да запісу.