Пытанняў усё больш: відэа з Кадыравым у крамлёўскім шпіталі знялі тры тыдні таму
- 21.09.2023, 9:30
У кіраўніка Чачэніі дзякуючы роліку выявілі яшчэ адно сур'ёзнае захворванне.
Кіраўнік Чачэніі Рамзан Кадыраў, пра смерць якога апошнім часам ходзяць чуткі, нібыта запісаў відэа з крамлёўскай лякарні, каб пацвердзіць, што "з ім усё ладам". Аднак, як выявілася, яно было запісанае значна раней, чым апублікаванае.
Напрыклад, паводле крыніц obozrevatel.com ва ўзброеных структурах, відэа з Кадыравым у шпіталі, якое было апублікаванае ў сераду, 20 верасня, было знятае яшчэ тры тыдні таму.
«Сябры, у гэтыя дні наша сям'я вельмі хвалявалася за дарагога дзядзьку Магамеда Абдулхамідавіча Кадырава. Хвала Богу, ён ужо папраўляецца. Падчас маёй службовай выправы ў Маскву пры першай жа магчымасці я наведаў шпіталь, у якім заспеў яго ў добрым гуморы. Нават на шпітальным ложку ён трымаецца малайцом і не прапускае магчымасці аддаваць распараджэнні сямейнікам нашай вялікай радзіны. Я падбадзёрыў майго дарагога дзядзьку, зычыў яму як мага хутчэй акрыяць і пераказаў словы падтрымкі ад дарагой мамы», — нібы выдаў Кадыраў.
Як вядома, у роліку лекар называе дату 20 верасня. Аднак нават у сеціве адразу ж пачалі падазраваць, што кадры могуць быць леташнімі.
І тут усё вельмі проста, бо ў гэтым відэа Кадыраў худы і занадта добра выглядае. А вось апошнім часам ён быў больш "раскошным" у сваёй вазе.
Акрамя таго, лекары сцвярджаюць, што Кадыраў можа мець дыягназ пастознасць. Гэта невялікая ступень апухласці скуры і абалоніны, якая праяўляецца слабай прыпухласцю. Скура пры пастознасці бляднее, з выгляду злёгку нагадвае цеста.
Чуткі аб цяжкай хваробе Кадырава ходзяць ужо некалькі месяцаў. Яшчэ ў сакавіку 2023 года нямецкая газэта Bild, спасылаючыся на былога віцэ-прэм'ера Чачэніі Ахмада Закаева, які цяпер жыве ў выгнанні, напісала, што Кадыраў мае сур'ёзную хваробу нырак — і ён прывёз у Чачэнію лекара з ААЭ, бо не давярае маскоўскім медыкам.
У сеціве таксама звярталі ўвагу на моцныя змены ў абліччы Кадырава, у тым ліку на моцную апухласць твару і медыцынскую прыладу на пальцы, таму меркавалася, што ў яго адмаўляюць ныркі.
Ускосна ягоную хваробу пацвердзіў адзін з сыноў, змясціўшы эмацыйнае відэа аб тым, як цяжка траціць бацьку.
У траўні 2023 года начальнік ГУВ Мінабароны Украіны Кірыл Буданаў пацвердзіў, што верхавод Чачэніі адчувае праблемы са здароўем. Ён расказаў, што Кадыраў мае нарказалежнасць, хоць спачатку ўжываў наркотыкі як допінг.