Сантуш пакінуў пасаду галоўнага трэнера нацыянальнай каманды Польшчы ў футболе
- 13.09.2023, 18:38
Пад кіраўніцтвам партугальца каманда атрымала тры перамогі і пацярпела тры паражэнні.
Галоўны трэнер нацыянальнай каманды Польшчы Фернанду Сантуш пакінуў сваю пасаду, паведамляе Польская федэрацыя футбола.
Сантуш узначаліў палякаў у студзені гэтага года. Пад яго кіраўніцтвам каманда атрымала тры перамогі і пацярпела тры паражэнні.
У адборачным раундзе да чэмпіянату Еўропы - 2024 Польшча займае перадапошняе месца ў групе Е, набраўшы 6 балаў у 5 турах.