Буданаў: Расейцы хаваюць караблі Чарнаморскага флоту на паўднёвы ўсход ад Крыму

• 28.08.2023, 19:51

Кіраўнік украінскай выведкі падкрэсліў, што караблі ЧФ РФ не могуць нікуды выйсці.

Расейцы хаваюць a target="_blank" href=https://charter97.org/ru/news/2023/8/18/560271/>караблі Чарнаморскага флоту на паўднёвы ўсход ад Крыма, распавёў «Крым.Реалии»«Крым.Реалиам» начальнік Галоўнай управы выведкі Міністэрства абароны Украіны Кірыл Буданаў.

«Там яны знаходзяцца. Выходзяць, хутка ажыццяўляюць ракетныя залпы. Максімум заходзяць проста ўздоўж берага ў бухту Севастопаля, зараджаюцца новымі ракетамі, папаўняюць запасы і зноў жа выходзяць», - паведаміў Буданаў.

Кіраўнік украінскай выведкі дадаў, што караблі ЧФ РФ «проста не могуць выйсці нікуды». «Яны пакінулі паўночную частку Чорнага мора, заходнюю частку Чорнага мора. Яны проста хаваюцца за кутом, паваротам Крыма, паўднёва-ўсходняй часткай. І ўсё», - растлумачыў ён.

Раней спікер Вайскова-марскіх сіл Украіны Дзмітрый Плецянчук заявіў, што пасля жнівеньскіх нападаў на Чарнаморскі флот РФ расейскія судны спрабуюць трымацца бліжэй да расейскага ўзбярэжжа.