«Вочы Мардора» і РЛС: УСУ знішчылі тэхніку РФ на сотні мільёнаў даляраў

• 28.08.2023, 15:53

Разам з дарогай тэхнікай зліквідавана больш за тры дзясяткі захопнікаў.

На адным з кірункаў украінскія абаронцы знішчылі вайсковую тэхніку і абсталяванне расейскіх акупантаў на сотні мільёнаў даляраў. Як паведамляе УНІАН са спасылкай на прэсавую службу Сіл абароны поўдня, падраздзяленні УСУ зліквідавалі 34 захопнікаў, знішчылі іхні танк, тры гарматы, мінамёт, аўтамабіль і тры палявыя пункты баявой пастаўкі.

Таксама выпала знішчыць вельмі важнае абсталяванне супраціўніка. У тым ліку станцыю радыёэлектроннай барацьбы "Леер-2" і станцыю радыёэлектроннай барацьбы "Стрыж" — мабільны комплекс, які захопнікі выкарыстоўваюць для абароны ад беспілотнікаў. "Стрыж" выяўляе БЛА, перадае сігналы паветранай трывогі на пульт кіравання і сігналізацыі, блакуе каналы кіравання і навігацыі дронаў.

Яшчэ знішчылі два комплексы відэаназірання «Мурам-П», якія ўкраінцы называюць «вачамі Мардора», і радыёлакацыйную станцыю акупантаў, якая называецца «Предел-Е». Паводле звестак прэсавай службы, прыблізная вартасць толькі аднаго комплексу складае 200 млн даляраў.

У той жа час адзначаецца, што вораг працягвае ўмацаванне абарончых меж, а ў Чорным моры карабельная групоўка флоту РФ складае 12 адзінак, сярод якіх – надводны і падводны ракетаносьбіты.