Літва найбліжэйшым часам можа закрыць яшчэ два пункты пропуску на мяжы з Беларуссю

• 28.08.2023, 22:25

Пра якія пункты пропуску ідзе гаворка?

Літва плануе закрыць яшчэ два пункты з Беларуссю. Пра гэта паведаміла міністр унутраных спраў краіны Агнэ Білатайце, піша BNS.

- МУС прапануе закрыць яшчэ два пункты. Гэта памежныя пункты «Лаварышкі» (з беларускага боку «Катлоўка» - Заўв. рэд.) і «Райгарад» («Прывалка»), - паведаміла Агне Білатайце на сустрэчы з калегамі з краін Балтыі і Польшчы ў Варшаве ў 28 жніўня.

Кіраўніца ведамства адзначыла, што адпаведная прапанова ўжо сфармаваная, прыняцце пастановы ў гэтым пытанні «павінна быць зроблена найбліжэйшым часам».

Са слоў міністра, пастанова аб закрыцці яшчэ двух пунктаў пропуску была прынятая ў мэтах умацавання бяспекі краіны і для таго, каб развязаць праблему кантрабанды.

28 жніўня прадстаўнікі Літвы, Латвіі і Польшчы абмеркавалі на сустрэчы ў Варшаве механізм поўнага закрыцця межаў з Беларуссю. Агнэ Білатайце раней паведаміла, што пакуль няма звестак аб пагрозах, з-за якіх давылося б прымаць такія меры.

Нагадаем, 18 жніўня Літва ўжо закрыла два пункты пропуску на мяжы з Беларуссю («Шумск» («Лоша») і «Цверач» («Відзы») у адказ на магчымыя пагрозы з боку наймітаў ПВК Вагнера.