Краіны Балтыі і Польшча сёння абмяркуюць механізм закрыцця мяжы з Беларуссю

• 28.08.2023, 9:11

Падрыхтаваны адпаведны план.

Сёння ў Варшаве адбудзецца міністэрская сустрэча паміж Польшчай і краінамі Балтыі. На ёй павінны ўзгадніць механізм закрыцця мяжы з Беларуссю. Як паведаміла ў пятніцу міністарка ўнутраных спраў Літвы Агнэ Білатайце, падрыхтаваны адпаведны план, ён будзе прэзентаваны калегам.

"Літва падрыхтавала план закрыцця мяжы, ён мае розныя ўзроўні, і мы яго прадставім і абмяркуем з нашымі калегамі, каб пры адпаведных узроўнях пагрозы мы маглі адначасова ажыццяўляць адны і тыя ж дзеянні і пастановы адначасова", - цытуе яе BNS.

Нагадаем, пра поўнае закрыццё мяжы з Беларуссю прадстаўнікі Польшчы і Літвы пачалі заяўляць пасля пераводу ў нашу краіну ПВК «Вагнер». Літва ўжо скараціла колькасць дзейных памежных пераходаў на мяжы з Беларуссю з шасці да чатырох.

У Польшчы застаюцца адчыненымі толькі пераходы пад Берасцем: па адным для пасажырскага і грузавога транспарту.