HIMARS знішчыў акупантаў на востраве Джарылгач

• 1.08.2023, 18:09

Пяць ракет - пяць траплянняў.

Украінскія вайскоўцы нанеслі ўдар па пазіцыях акупантаў на востраве Джарылгач з артылерыйскай сістэмы HIMARS.

Пра гэта паведамляе Цэнтр Нацыянальнага Супраціву.

На апублікаваных кадрах бачна, што беспілотнік зафіксаваў пазіцыі акупантаў, якія знаходзіліся ў акупаванай частцы Херсонскай вобласці. Украінскія байцы нанеслі па іх пяць удараў ракетамі HIMARS.

Ад абстрэлу расейцы спрабавалі схавацца ў кустах і трэніровачных акопах, аднак менавіта туды патрапіла ракета.

Адзначым, што адлегласць ад Джарылгача да найбліжэйшых кантраляваных Украінай тэрыторый складае блізу 70 км. Ад касы выспы - амаль 60 км.