Расейскія добраахвотнікі прапанавалі Прыгожыну абмяняць палонных з Белгародшчыны на камбрыга Веневіціна

• 5.06.2023, 16:51

Размова ідзе аб сумленным абмене без дадатковых умоў.

Байцы Легіёна «Свабода Расеі» звярнуліся да верхавода ПВК «Вагнер» Яўгена Прыгожына з прапановай абмену палоннымі расейцамі.

Відэа яны апублікавалі ў Telegram-канале, паведамляе Цэнзор.НЕТ.

«Мы звяртаемся да вас, бо ўся праўладная эліта ў асобе кавалера ордэна мужнасці Гладкова баязліва адсядзелася, пакінуўшы сваіх людзей у палоне, пакуль іх войскі накрывалі артылерыяй мірныя гарады.

Як нам стала вядома, байцамі ПВК «Вагнера» быў узяты ў палон камандзір 72-й брыгады УС РФ падпалкоўнік Раман Веневіцін. Як жэст добрай волі мы прапануем абмяняць яго на некалькіх байцоў УС РФ, узятых намі ў палон падчас вызваленчых баёў у Белгародскай вобласці.

Размова ідзе аб сумленным абмене без дадатковых умоў. Дэталі абмену ўзгоднім дадаткова», - заявілі ваяры.

Нагадаем, раней байцы РДК і Легіёна «Свабода Расеі» звярнуліся да губернатара Белгародскай вобласці РФ Вячаслава Гладкова з прапановай абмяняць палонных расейскіх салдат за магчымасць пагутарыць з ім асабіста.

Пазней воіны РДК прадэманстравалі кадры з палоннымі салдатамі афіцыйнага войска РФ, па якіх не прыехаў губернатар.

У той жа час вечарам, 4 чэрвеня, у сетцы з'явіліся кадры допыту падпалкоўніка войска РФ Рамана Веневіціна, камандзіра 72-й брыгады. Яго ўзялі ў палон «вагнераўцы».