У Рагачоўскім раёне маршрутка вылецела ў кювет

• 4.06.2023, 18:18

Пяць чалавек пацярпелі.

Пяць чалавек пацярпелі ў ДТЗ з маршрутным таксі ў Рагачоўскім раёне Гомельскай вобласці, паведамляе прэс-служба МУС.

Аварыя адбылася сёння апоўдні на 191-м км аўтадарогі М5 "Менск-Гомель". 36-гадовы кіроўца Mercedes не справіўся з кіраваннем, з'ехаў у кювет, дзе аўто некалькі разоў перакулілася. Кіроўца і 4 пасажыры ва ўзросце ад 29 да 42 гадоў атрымалі траўмы рознай ступені цяжкасці, іх даставілі ў бальніцу.

На месцы працавалі супрацоўнікі ДАІ, следча-аператыўная група, ратавальнікі і медыкі. Устанаўліваюцца прычыны здарэння.