УСУ ліквідавалі камандзіра палка РФ Нікіліна

• 4.06.2023, 11:09

Высокапастаўлены акупант прыбыў на фронт з Варонежа.

Ва Украіне ліквідаваны высокапастаўлены акупант - палкоўнік УС РФ Міхаіл Нікілін з Варонежа.

Аб яго смерці з'явілася інфармацыя на старонцы школы, у якой вучыўся вайсковец.

Некралог выявіў у сетцы ўкраінскі блогер Necro Mancer, які з 2014 года збірае інфармацыю аб расейскай агрэсіі супраць Украіны.

Вядома, што палкоўнік займаў пасаду камандзіра аднаго з палкоў расейскага войска. Ліквідаваны ён быў падчас «спецаперацыі» зусім нядаўна - 30 траўня.

Складана выказаць здагадку, што камандзір палка УС РФ мог знаходзіцца на перадавой ці блізка да яе. Больш імаверна, што палкоўнік быў ліквідаваны пры ўдары па адной з тылавых баз акупантаў.

У апошнія пару месяцаў Сілы абароны вельмі актыўна пляжаць цэлі расейскага войска ў тыле ў рамках падрыхтоўкі да свайго контрнаступлення.