Латвійскія памежнікі: Беларусь прапаноўвала мігрантам агнястрэльную зброю

• 11.06.2023, 13:35

Нелегалы адмовіліся яе выкарыстоўваць.

Латвійскія пагранічнікі паведамляюць аб выпадках, калі беларускія ўлады прапаноўвалі агнястрэльную зброю нелегальным мігрантам, піша выданне LSM са спасылкай на інтэрв'ю начальніка Дзяржаўнай пагранічнай службы краіны Гунціса Пуятса для выдання LETA.

Пуятс заяўляе, што беларускі бок таксама інструктаваў мігрантаў, як супрацьстаяць латвійскім памежнікам, калі тыя не дазволяць пераадолець мяжу.

Але мігранты адмовіліся ўжываць зброю, і дагэтуль інцыдэнтаў з ужываннем агнястрэльнай зброі супраць латвійскіх памежнікаў не было.