Экспэрт: УСУ рыхтуюць магутны контрудар

• 31.05.2023, 14:35

РФ у паніцы «затыкае дзіркі» ў абароне.

Актыўныя наступальныя дзеянні Узброеных сіл Украіны на Бахмуцкім кірунку дазваляюць знішчаць расейскія войскі, а таксама даюць магчымасць атрымання патэнцыйнага плацдарма для правядзення контрнаступальных аперацый, заявіў кіраўнік Цэнтра вайсковых прававых даследаванняў Аляксандр Мусіенка.

Таксама гэта дасць магчымасць з абсталяваных і ўмацаваных пазіцый знішчаць сілы ворага. Не кажучы ўжо пра тое, што вораг нішчыць свой патэнцыял, а гэта адкрывае перспектывы для падрыхтоўкі і правядзення маштабнага контрнаступу», - падкрэсліў ён у інтэрв'ю «Главреду».

Паводле ягоных слоў, акупанты будуць вымушаны здымаць свае падраздзяленні з розных кірункаў для ўзмацнення Бахмуцкага.

«З акупаванай Луганшчыны яны ўжо часткова перакідвалі. Затым сілы ў тыле, якія стаялі ў так званым рэзерве на акупаваных тэрыторыях і павінны былі б залучацца да абарончых дзеянняў, таксама будуць прыцягваць. Расейцы не змаглі хутка знайсці рэзервы, каб Белгарадскую вобласць абараніць - усё задзейнічаныя. А ўлічваючы страты і знясіленне расейскіх войскаў, будуць сцягваць, спрабаваць перакідаць з іншых кірункаў», - адзначыў экспэрт.

Ён таксама растлумачыў, што яшчэ адным галаўным болем РФ з'яўляецца падрыхтоўка контрнаступу УСУ.

«Не варта забываць, што зараз расейцы ў паніцы спрабуюць высветліць і зразумець, адкуль Украіна можа нанесці ўдар. Так што так ці інакш у іх адбываецца рух лініі фронту, таму падмацаванні будуць здымаць і перакідаць», - дадаў Мусіенка.