ЗША заклікалі да безумоўнага вызвалення палітвязняў у Беларусі

• 20.05.2023, 18:39

І падтрымалі дэмакратычныя імкненні беларускага народа.

ЗША заклікалі да неадкладнага і безумоўнага вызвалення палітвязняў у Беларусі. Пра гэта гаворыцца ў паведамленні дзяржсакратара Злучаных Штатаў Энтані Блінкена, апублікаваным сёння ў Twitter.

«Напярэдадні Дня салідарнасці з палітычнымі зняволенымі ў Беларусі мы асуджаем утрыманне пад вартай больш за 1500 зняволеных, якія ўтрымліваюцца рэжымам Лукашэнкі. Мы заклікаем да іх неадкладнага і безумоўнага вызвалення і падтрымліваем імкненне беларускага народа да дэмакратычнай будучыні», - напісаў ён.

Нагадаем, 21 траўня пройдзе Дзень салідарнасці з беларускімі палітвязнямі.