Пянткоўскі: Смерць Лукашэнкі стане катастрофай для Крамля

• 20.05.2023, 22:29

На ўсёй постсавецкай прасторы аслабляюцца пазіцыі РФ.

Расейскі палітолаг Андрэй Пянткоўскі ўважае, што зараз Масква не зацікаўлена ў фізічным знішчэнні Лукашэнкі, таму што ягоная смерць стане дадатковай палітычнай і вайсковай катастрофай.

Пра гэта ён распавёў у эфіры "Эспрэса".

«З Лукашэнкам нічога не адбылося 9 траўня, відаць, ён ужо прыехаў вельмі хворы, мы бачылі, што рука пераматаная. Пуцін некалькі разоў разглядаў сцэнар ліквідацыі Лукашэнкі, які быў блізкі да такога на папярэдніх выбарах. Не думаю, што цяпер Масква зацікаўлена ў фізічным знішчэнні Лукашэнкі, гэта стварыла б вялікія праблемы пры гэтых абставінах паразы РФ ва Украіне», - заўважыў палітолаг.

Андрэй Пянткоўскі адзначыў, што на ўсёй постсавецкай прасторы аслабляецца пазіцыя Крамля.

«Справа ў тым, што беларускія сілавікі падтрымлівалі Лукашэнку, таму што не хацелі станавіцца дробнымі сябрамі расейскага міністэрства ўнутраных справаў, яны таксама трымаюцца за фармальную незалежнасць Беларусі. А смерць Лукашэнкі будзе дадатковай палітычнай і вайсковай катастрофай», - сказаў Пянткоўскі.