Качанава анансавала рэпрэсіі супраць чыноўнікаў Лукашэнкі

• 27.04.2023, 18:21

Яна прыстрашыла чыноўнікаў жорсткім адказам за дыскрэдытацыю рэжыму.

Кіраўніца Савета Рэспублікі Наталля Качанава папярэдзіла чыноўнікаў аб жорсткім адказе за дыскрэдытацыю ўлады, піша БелТА.

Аб гэтым было сказана падчас асабістага прыёму грамадзян, ІП і юрыдычных асоб у Савеце Рэспублікі. Прынамсі, Качанава сказала, што дыскрэдытуючыя ўлады будуць адказваць за гэта жорстка. І патлумачыла, што законныя просьбы і звароты грамадзянаў павінны быць пачутыя ўладай.

— Ганяць грамадзян, якія звяртаюцца па чыноўніцкім коле, недапушчальна, — падкрэсліла лукашыстка.