УСУ ўночы разнеслі пазіцыі расейцаў у Бахмуце з HIMARS

• 27.04.2023, 18:14

Украінскія ваяры кантралююць вышыні ў наваколлях горада.

У Інтэрнэце з'явілася відэа працы ўкраінскай рэактыўнай артылерыі па пазіцыях расейскага войска ў Бахмуце, які становіцца брацкай магілай для акупантаў, якія імкнуцца захапіць руіны населенага пункта.

Пры гэтым украінская артылерыя знаходзіцца на вышынях у непасрэднай блізкасці да горада і накрывае ўсе пазіцыі і будынкі з расейцамі, якіх выяўляюць з дапамогай беспілотніка.

Новы ўдар HIMARSаў уначы патрапіў на відэа: кадры публікуе Тэлеграм-канал «Украіна 365».

На знятых кадрах з дрона-карэктавальніка з дапамогай цеплавізійнай камеры серыя магутных выбухаў пасля кропкавых залпаў у розных частках населенага пункта.