Актывіста з Баранавічаў Мікалая Чарнавуса-малодшага затрымлівалі 10 лукашыстаў у бронекамізэльках

• 3.02.2023, 10:22

Сілавікі пералезлі цераз плот і гучна стукалі ў вокны.

Учора, 2 лютага, у Баранавічах сілавікі прыйшлі да Мікалая Чарнавуса-малодшага, дома ў яго правялі ператрус, паведамляе «Вясна».

Паводле інфармацыі суседзяў, а 6 раніцы прыкладна 10 сілавікоў у бронекамізэльках і са зброяй акружылі прыватны дом, а потым пералезлі праз плот і гучна пачалі стукаць у вокны з патрабаваннем адчыніць дзверы. Пасля ператрусу Мікалая вывелі ў кайданках з рукамі за спінай.

Паводле папярэдняй інфармацыі, сёння над Чарнавусам адбудзецца суд паводле адміністрацыйнага пратаколу. Пакуль невядома, у чым яго абвінавачваюць.