«Пачалося абвальванне будынка»: у Краснаярску шалее магутны пажар

• 22.02.2023, 11:09

Агонь ахапіў 2500 квадратных метраў шматфункцыянальнага комплексу.

У сераду, 22 лютага, у расейскім Краснаярску гарыць склад печаў і камінаў, спартыўна-забаўляльны цэнтр, фітнэс-клуб, аўтатэхцэнтр і цэнтр віртуальнай рэальнасці. Ён працягнуў серыю ўзгаранняў праз «галавацяпства», паведамляе dialog.ua.

Пажарныя забраліся на дах і тушаць агонь там. Пачалося абвальванне будынка (адышла сцяна) у той частцы, якая ахопленая пажарам. Сам будынак вельмі вялікі. Унутры нешта трашчыць. На іншым канцы будынка знаходзіцца аўтасэрвіс. Яго працаўнікі выносяць рэчы на вуліцу: асцерагаюцца, што агонь можа дабрацца да іх. Відавочцы публікуюць кадры: магутна палае агонь, чорным дымам зацягнула ўсё навокал.

«Сітуацыя сумная», - кажа адзін з пажарных калегам на месцы надзвычайнага здарэння. Паліцыя просіць краснаярцаў устрымацца ад паездак у раён пажару, там абмежаваны рух, участак ачапілі паліцыя і супрацоўнікі ДПС. Пачалася паніка гараджан. Кіроўцы лаюцца з інспектарамі. Дзяўчына-кіроўца абураецца: ёй трэба забраць дзіця з дзіцячага сада, а праехаць яна не можа.