HIMARS з адмысловымі баявымі прыпасамі распляжылі вялікую калону войскаў РФ проста пасярод трасы

• 5.12.2023, 13:52

Акупанты на відэа пацвердзілі разгром на левым беразе Дняпра.

Яшчэ 10 лістапада ўкраінская артылерыя нанесла прыцэльныя ўдары па калоне акупантаў, якія сярод белага дня стаялі на трасе ў вёсцы Гладкоўцы на Херсоншчыне.

У Мінабароны РФ заявілі, што загінулых практычна не было, аднак новыя кадры, знятыя з месца надзвычайнага здарэння самімі акупантамі, паказваюць адваротнае, паведамляе dialog.ua.

Сам ролік можна ўбачыць на канале Supernova+ (асцярожна, кадры 18+).

У свой час Telegram-канал "ВЧК-ОГПУ" паведамляў аб ліквідацыі мінімум 80 вайскоўцаў РФ пасля ўдараў па Гладкоўцы.

Сёння гэтая інфармацыя ўскосна пацвердзілася, бо Z-суполкі выклалі сваё відэа.

На ім можна ўбачыць аўтамабілі з мабілізаванымі, аднак яны ўжо не жывыя.

Вораг паказаў два аўтамабілі, але, як мы ведаем, пад удар трапіла больш за пяць аўтамабіляў. Яшчэ тады ўкраінскі журналіст Дзяніс Казанскі пісаў аб тым, што ў Гладкоўцы МА РФ знарок сабрала калону з такой вялікай колькасці аўтамабіляў, як манэўр. Аднак самі за гэты манэўр і паплаціліся.

Калона стаяла ў вёсцы сярод белага дня, і аэравыведка яе ўбачыла, імгненна перадаўшы каардынаты артылерыі. Сам населены пункт знаходзіўся толькі за 23 км ад Херсона.

Агулам жа было зафіксавана 11 самаходаў. У некаторых былі набоі, а ў некаторых і баявыя прыпасы.

УСУ нанеслі ўдар з дапамогай HIMARS, выкарыстаўшы касэтныя баявыя прыпасы. Пра што навочна і сведчыць ролік ад акупантаў.