БАТЭ паўтарыў свой найгоршы вынік у гісторыі ў набраных балах

• 2.12.2023, 17:10

Бронза – у «Тарпеда-БелАЗ».

У сезоне-2023 чэмпіянату Беларусі ў футболе БАТЭ заняў 5-е месца з 47-ю баламі, піша «Трыбуна».

Такім чынам, БАТЭ паўтарыў свой найгоршы вынік у гісторыі ў набраных балах, які каманда мела ў 2005 годзе.

Гэта найгоршы вынік клуба ў гісторыі чэмпіянату Беларусі.

«Тарпеда-БелАЗ» завяршыла сезон вышэйшай лігі 2023-га года на трэцім месцы з 49 баламі. У актыве ў жодзінскага клуба 12 перамог, 13 нічыіх і 3 паразы.

За апошнія 8 сезонаў чэмпіянату Беларусі гэта найменшая колькасць балаў, якой хапіла для здабыцця бронзавых медалёў. Раней, у 2015 годзе з такім жа вынікам трэцім у ЧБ стаў «Шахцёр».

Чэмпіёнам Беларусі ў футболе стала менскае «Дынама», другое месца ў гарадзенскага «Нёмана».