Стала вядома, колькі дронаў у беларусаў забралі на патрэбы войска

• 10.12.2023, 20:27

Праз фобію Лукашэнкі.

Аляксандр Лукашэнка ў верасні падпісаў указ нумар 297 «Аб дзяржаўным уліку і эксплуатацыі цывільных беспілотных лятальных апаратаў». Гэтым ён забараніў мець дроны фізічным асобам, а арганізацыі і ІП абмежаваў у карыстанні.

Указам прадугледжанае, што ўвоз на тэрыторыю Беларусі, захоўванне, абарачэнне, эксплуатацыя і выраб цывільных беспілотнікаў дазволены толькі арганізацыям і індывідуальным прадпрымальнікам для іх прафесійнай дзейнасці.

У лістападзе сілавікі абвясцілі аб стварэнні валанцёрскай ініцыятывы і заклікалі беларусаў аддаваць свае дроны ў якасці «дабрачыннай дапамогі».

Нядаўна ініцыятыва паведаміла, што за гэты час войску было перададзенае больш за 70 дронаў.

«На гэтым тыдні яшчэ некалькі дронаў DJI былі перададзеныя аднаму з падраздзяленняў Узброеных сіл. Дроны ўжо актыўна ўкараняюцца і выкарыстоўваюцца нашымі вайскоўцамі», - гаворыцца ў паведамленні.

Каб здаць дроны, беларусы павінны пазначыць горад пражывання і мадэль беспілотніка.