У Расеі арыштавалі рахункі кампаніі Мікіты Міхалкова

• 10.12.2023, 15:45

Сумнеўная фірма рэжысёра-пуцініста арандавала 30 тысяч гектараў лесу.

Федэральная падатковая служба Расеі арыштавала рахункі кампаніі вядомага рэжысёра-пуцініста Мікіты Міхалкова.

Паводле інфармацыі Mash, ТАА «Цёміна-Лясное» з адным зарэгістраваным супрацоўнікам (генеральным дырэктарам) арандавала 30 тысяч гектараў у Паўлаўскім раёне Ніжагародскай вобласці.

Некалькі гадоў таму фірма, каб знізіць фінансавую нагрузку, праз суд дабілася змяншэння платы за надзел з чатырох мільёнаў рублёў за год да 366 тысяч.

Раней аб прэтэнзіях ФНС да фірмы Міхалкова не было вядома. Нягледзячы на гэтае ведамства арыштавала разліковы рахунак арганізацыі ў «Інкарабанку».