У Расеі адбылося новае надзвычайнае здарэнне ў аэрапорце: увесь будынак запоўніўся парай

• 10.12.2023, 11:29

Сталі вядомыя падрабязнасці незвычайнага інцыдэнту.

У Расеі ў аэрапорце "Талмачова" ў Новасібірску 9 снежня ўночы адбылася надзвычайная падзея. Праз моцны мароз там прарвала трубу і ўвесь будынак імгненна запоўніўся парай.

Пра гэта паведамляюць у расейскіх Telegram-каналах. Пасажыры, якія сталі відавочцамі камунальнага надзвычайнага здарэння, апынуліся быццам у густым тумане.

Тыя, хто знаходзіўся на першым паверсе, не бачылі другі паверх, сходы пагрузіліся ў пару.

Відавочцы таксама паведамляюць, што ў сувязі з інцыдэнтам былі затрыманыя некаторыя рэйсы.