Сілавікі затрымалі дзяўчыну, якая вярнулася з Польшчы

• 21.11.2023, 15:50

Яе адправілі ў ІЧУ.

Сілавікі затрымалі магілёўку, якая жыла ў Польшчы. З інфармацыі «Медыязоны», дзяўчыну клічуць Валерыя Стахоўская.

Блізкі да сілавікоў тэлеграм-канал паведамляе, што дзяўчына змешчаная ў ІЧУ паводле артыкулу аб распаўсюджванні «экстрэмісцкіх» матэрыялаў, у яе канфіскаваны тэлефон. Паведамляецца, што дзяўчына ў сваім тэлеграм-канале размяшчала допісы аб дзейнасці забароненых на тэрыторыі Беларусі арганізацый і асвятляла акцыі, якія праходзілі за мяжой.