Армія Ізраіля атачыла Джабалію

• 21.11.2023, 12:36

ЦАХАЛ прыступае да штурму гэтага раёна на поўначы Газы.

У Войску абароны Ізраіля (ЦАХАЛ) заявілі, што іх 162-я дывізія закончыла аблогу Джабаліі на поўначы Газы і гатова паглыбіць баявыя дзеянні.

У заяве таксама гаворыцца, што 215-ы артылерыйскі полк і ВПС нанеслі моцныя ўдары па Джабаліі, каб "падрыхтаваць глебу да бою".

Са звестак ЦАХАЛа, на ўскраіне Джабаліі былі абстраляныя тры ўваходы ў тунэль, усярэдзіне якіх знаходзіліся баевікі ХАМАСа.

Са звестак войска, армія 401-й бранятанкавай брыгады і пяхотнай брыгады «Нахаль» ваявалі з баевікамі ХАМАСа на ўскраіне Джабаліі пры падтрымцы авіяцыі. Сілы таксама знайшлі і знішчылі ў гэтым раёне ракетныя ўстаноўкі.

Войскі 551-й рэзервовай брыгады і іншыя сілы спецыяльнага прызначэння дзейнічалі ў паўночнай частцы Джабаліі, працуючы над адкрыццём маршруту для манеўру дывізіі, заявілі ў ЦАХАЛе.

У заяве таксама паведамілі, што войскі Ізраіля забілі некалькіх баевікоў ХАМАСа, канфіскавалі зброю і разбурылі тунэлі.