Кіроўца «Яндэкс.Таксі» заснуў за стырном і рэзнуўся у трактар у Менску

• 29.10.2023, 11:12

ДТЗ адбылося на вуліцы Бабруйскай.

Кіроўца «Яндэкс.Таксі» рэзнуўся ў трактар у Менску, папярэдне ён заснуў за стырном, паведамляе УДАІ ГУУС Менгарвыканкама.

ДТЗ адбылося сёння каля трох ночы паблізу дома №3 па вуліцы Бабруйскай. 29-гадовы кіроўца Kia сутыкнуўся з трактарам, які ехаў наперадзе, пасля чаго перакуліўся.

На шчасце, пацярпелых няма. На месцы працавалі супрацоўнікі аддзела ДАІ Маскоўскага РУУС Менска.