Пад Гарадком у балоце захрас цэлы статак кароваў

• 2.10.2023, 20:17

Іх выратавалі супрацоўнікі МНС і сельскай гаспадаркі.

Супрацоўнікі МНС выратавалі ў Гарадоцкім раёне 14 кароваў, якія захраслі ў балоце. Пра гэта паведамілі ў прэс-службе ўстановы.

Інцыдэнт адбыўся раніцай 2 кастрычніка каля вёскі Вялікае Кашо. Ратавальнікам паступіла паведамленне, што ў балоцістай мясцовасці захраслі каровы. Самастойна выбрацца на бераг яны не маглі.

Супрацоўнікі МНС і сельскай гаспадаркі пры дапамозе вяровак і спадручных сродкаў змаглі выцягнуць на бераг 14 кароваў.