УСУ змаглі адціснуць акупантаў з часткі населеных пунктаў пад Салядарам

• 13.01.2023, 16:48

Украінскі вайсковец заклікаў не верыць заявам расейскай прапаганды

УСУ ў пятніцу, 13 студзеня, змаглі адціснуць расейскіх акупантаў з часткі населеных пунктаў пад Салядарам у Данецкай вобласці.

Пра гэта паведаміў вайсковы УСУ з пазыўным «Мадзьяр» у Telegram.

Баец УСУ заклікаў не верыць заявам расейскай прапаганды аб узяцці Салядара і аб тым, што акупанты нібы адціснулі УСУ на «нявызначаную адлегласць» ад горада.

Украінскі вайсковец падкрэсліў, што ў горадзе працягваюцца разлютаваныя баі і Салядар працягваюць штурмаваць баевікі ПВК «Вагнера».